Aðildarfélög Festu hittust á Deiglufundi í dag þar sem við fengum einvala hóp sérfræðinga til að fjalla um líffræðilega fjölbreytni og hvernig hún snertir íslenskt atvinnulíf.
Á fundinum var kynntur nýr Vegvísir sem Festa hefur unnið að á síðustu mánuðum sem snýr að hlutverki atvinnulífsins þegar kemur að því að standa vörð um líffræðilega fjölbreytni. Að þeirri vinnu kom stór og fjölbreyttur hópur sérfræðinga úr atvinnulífinu og fræðasamfélaginu.
Tilgangur Vegvísisins er að taka saman stutt yfirlit um líffræðilega fjölbreytni til þess að styðja íslenskt atvinnulíf í því að takast á við þetta mikilvæga verkefni, en sjálfbærniupplýsingagjöf er að þróast í þá átt að gerðar munu vera frekari kröfur að upplýsa um áhrif á líffræðilega fjölbreytni.
