@vinnvinn_iceland býr yfir áratuga reynslu í ráðningum stjórnenda og sérfræðinga og gekk til liðs við Festu árið 2022. Með því að styðja fyrirtæki við að finna rétta fólkið og byggja upp öflug teymi gegnir Vinnvinn mikilvægu hlutverki í jákvæðri þróun atvinnulífsins. Festa fagnar 15 ára afmæli á þessu ári og telur í dag tæplega 200 aðildarfélög, allt frá stórum fyrirtækjum, félagasamtökum og sprotafyrirtækjum til sveitarfélaga og ráðuneyta. Styrkur okkar felst í öflugu samstarfi fjölbreyttra aðila sem sameinast um framfarir á sviði sjálfbærni og við erum spennt að halda áfram að vinna með okkar öfluga samfélagi að jákvæðum umbreytingum 🙌

„Sjálfbærni og samfélagsábyrgð eru lykilþættir og drifkraftur í rekstri Tempru ehf þar sem við leitumst alltaf við að komast lengra í að ástunda góða stjórnarhætti, félagslega ábyrgð og umhverfisábyrgð í okkar starfsemi,” segir Magnús Bollason, framkvæmdastjóri Tempra ehf. Tempra sérhæfir sig í framleiðslu á umbúðum fyrir ferskfiskútflutning og einangrun fyrir byggingariðnað og leggur áherslu á nýsköpun í þróun umbúða og einangrunar í samstarfi við viðskiptavini sína, háskóla og rannsóknarstofnanir. Tempra gekk í hóp aðildarfélaga Festu í fyrra og bjóðum við þau velkomin í samfélagið okkar! 💚

Við komum innblásin og peppuð frá Tengslafundi @aton.reykjavik í gær þar sem fókusinn var á hvernig best sé að miðla sjálfbærnistarfi árið 2026, á tímum þar sem pendúllinn sveiflast og okkur líður stundum eins og við séum dottin ofan í kanínuholu Lísu í Undralandi. Þegar umræðan virðist heimsendaleg og við upplifum niðursveiflu í loftslagsumræðu og mannréttindabaráttu er mikilvægt að muna að bylgjan mun fara uppávið á ný og lykilatriði að skilja enn betur þarfir og áskoranir þeirra sem við erum að miðla til, hvort sem eru stjórnarmeðlimir, starfsfólk, viðskiptavinir eða neytendur. Sjálfbærni er ekki dúlluverkefni. Sjálfbærni er kjarnaverkefni og hefur beinan fjárghagslegan ávinning fyrir fyrirtæki, umhverfið og samfélagið í heild. Steinunn og Anna Lísa, ráðgjafar Aton, minntu okkur á hversu mikilvægt það er að leggja áherslu á það sem sameinar okkur, sýna ábyrgð og halda áfram að kveikja í voninni. Lísa komst úr holunni og þó að hlutirnir virðast stundum öfugsnúnir, þá er alltaf hægt að komast áfram og oft lærir maður eitthvað nýtt og nytsamlegt á leiðinni. Takk fyrir okkur Aton! 🙌 💚

Hver elskar ekki gott föstudagstrúnó? 💚 Á Janúarráðstefnu Festu spjölluðu Katrín Jakobsdóttir og Haraldur Þorleifsson um lífið, leiðtoga og frumkvöðlastarf og umbreytinguna frá því að vera aðal yfir í að vera enginn. Þau voru sammála um það að einstaklingar geta alltaf haft áhrif til góðs, sama í hvaða stöðu þau eru, og að maður þarf að vera óhræddur við að gera mistök 💪 #JANFEST26

🔎 Hvað er þetta ETS-kerfi eiginlega og hvernig virkar það? Hver eru áhrif og ávinningar þess fyrir íslenskt atvinnulíf og samfélagið í heild? Í nýrri fræðslufundaröð Festu, DÝPKUN, kafar Hrafnhildur Bragadóttir ofan í mál málanna í dag: ETS - kerfið og skuldbindingar Íslands í loftslagsmálum. 👉 Frekari upplýsingar á sjalfbaer.is/vidburdir

Væri góð hugmynd að bjóða ferðamönnum uppá salatsmökkun? Hvað með að nýta heilsuúrin betur og tengja vexti við stress í samfélaginu? @kristinnhilmarsson, sjálfbærnisérfræðingur Festu, hitti nokkra lykilaðila aðildarfélaga Festu til að kynna framúrstefnulegar hugmyndir sínar fyrir rekstur fyrirtækja. Viðbrögðin voru.... ja, allskonar 😆 Umbreyting er ákvörðun, og getur byrjað á einni hugmynd! (Þetta er fyrri hluti Janúarráðstefnu-sprells 🤗)

“Umbreytingin kom í boði Röggu Nagla sem sagði að þó að maður klikki kannski einu sinni þegar maður ætlar að breyta siðum, þá á maður ekki að klikka tvisvar, heldur að viðhalda og þannig breytast í alvörunni.” Raunveruleg umbreyting hefst hjá okkur sjálfum og ef við öll tökum þátt skapast ótal tækifæri til að byggja sjálfbærara samfélag 💚 #janfest2026

Fyrsta ungmennaráð Festu var kynnt á Janúarráðstefnunni í Hörpu í gær, og þvílíkur hópur! 🙌 Í ungmennaráði Festu sitja 12 einstaklingar á aldrinum 18 - 28 ára, sem starfa hjá aðildarfélögum Festu og eiga það sameiginlegt að hafa brennandi áhuga á sjálfbærni og samfélagsmálum. Stofnun ráðsins markar mikilvæg tímamót í 15 ára sögu Festu og er liður í því að efla enn frekar þátttöku ungs fólks í sjálfbærnistarfi á Íslandi og við hlökkum mikið til samstarfsins!

🙌 Þvílíkur dagur 🙌 Fullt hús í Hörpu á 14. Janúarráðstefnu Festu 💥 Endalaust þakklæti til ykkar allra sem mættuð í dag, takk okkar frábæru fyrirlesarar og trúnó-pör og snilldar tæknifólkið í Hörpu og þúsund þakkir til styrktaraðilanna okkar, Blue Lagoon Iceland, Húsasmiðjan og Íslandshótel sem gerðu þetta mögulegt 💚 Elva Rakel, framkvæmdastýra Festu og fundarstjóri, kjarnaði daginn svo fallega þegar hún sagði að við þyrftum að þora að horfa á stóru myndina og að inni í Silfurbergi væri akkúrat sá kraftur og orka sem þyrfti til að fara í þá umbreytingu sem færir okkur nær því samfélagi sem við viljum sjá: “Umbreytingin er þegar hafin og undir okkur komið hvernig framtíðin verður, ætlum við að sitja við borðið eða vera á matseðlinum?” Takk fyrir daginn og þar til næst! 🙏

Elva Rakel, framkvæmdastýra Festu, er orðin pepp fyrir Janúarráðstefnunni næsta föstudag! 🙌 Þú vilt ekki missa af sjálfbærniárshátíð Íslands! Eru ekki örugglega með miða? 👀 👉 Dagskrá og miðasala á sjalfbaer.is

1️⃣ vika í stærsta sjálfbærniviðburð ársins! Hefur þú áhuga á: 🔸 Loftslagsvendipunktum ? 🔸 Alþjóðlegri samvinnu ? 🔸 Nýsköpun í orku- og sjávarútvegi ? 🔸 Stafrænni byltingu? 🔸 Persónulegri umbreytingu ? 🔸 Að fræðast, fá innblástur og eiga skemmtilegan föstudagseftirmiðdag ? Ef já, þá viltu ekki missa af Janúarráðstefna Festu 2026 í Silfurbergi Hörpu næsta föstudag! ❗️Dagskrá á sjalfbaer.is

Danski arkitektinn og aktívistinn Kasper Bjørkskov, stígur síðastur á svið á Janúarráðstefnu Festu og við getum lofað virkilega áhugaverðu og innblásandi erindi! 🙌 Kasper vinnur á mörkum hönnunar, vísinda og samfélagslegrar umbreytingar og er þekktur fyrir að knýja fram kerfisbreytingar í byggingariðnaðinum í Danmörku og víðar. Hann er hugmyndasmiður Branded Activism, aðferðarfræði sem sameinar rannsóknir, frásögn og aðgerðir til að virkja breiðan samfélagslegan stuðning þar sem hann ögrar hefðbundnum lausnum og hvetur okkur til að hafa hugrekki til að bregðast við því sem við vitum nú þegar. ✨Janúarráðstefna Festu fer fram í Silfurbergi Hörpu föstudaginn 30. janúar undir yfirskriftinni Umbreyting er ákvörðun. Þetta er stærsti árlegi sjálfbærniviðburður á Íslandi þar sem innlendir og erlendir sérfræðingar, fræðimenn, brautryðjendur og skapandi hugsuðir munu deila raunverulegum umbreytingarsögum úr ólíkum geirum atvinnulífsins. 👉 Tryggðu þér miða á sjalfbaer.is #janfest2026

Erla Ósk Ásgeirsdóttir, stjórnarformaður Festu, mun opna Janúarráðstefnuna og setja þema ráðstefnunnar, Umbreytingu, í stærra samhengi. 🌟Festa fagnar 15 ára afmæli á þessu ári, Parísarsamkomulagið er 10 ára og við erum stödd á tímamótum aðgerða og alþjóðlegs samstarfs sem kalla á að við skoðum hvernig við mælum árangur, rýnum í hvað hefur breyst til hins betra og hvaða skref þarf að taka til að knýja fram raunverulega umbreytingu á næstu árum. Erla er einnig stjórnarkona hjá Bláa lóninu og hefur áratuga reynslu úr atvinnulífinu þar sem hún hefur helgað störf sín sjálfbærnimálum. ❗️Ekki missa af fjölbreyttri og öflugri dagskrá Janúarráðstefnunnar og tryggðu þér miða strax í dag! #janfest2026

💡Sagan getur verið öflugt verkfæri þegar við tökum ákvarðanir um framtíðina og á Janúarráðstefnu Festu í Hörpu þann 30. Janúar mun sagnfræðingurinn Stefán Pálsson setja umbreytingu í sögulegt samhengi. Stefán þarf vart að kynna en hann var lengi forstöðumaður Minjasafns Orkuveitu Reykjavíkur og hefur meðal annars rannsakað þróun íslenskra orkukerfa. Þema Janúarráðstefnu Festu í ár er “Umbreyting er ákvörðun”. Þar leiðum við saman frumkvöðla, sérfræðinga og skapandi hugsuði sem deila raunverulegum umbreytingasögum frá ólíkum sjónarhornum. Við höfum umbreytt áður, og getum gert það aftur! 🙌 👉 Kynntu þér fjölbreytta dagskrá á sjalfbaer.is #janfest2026

✨ Við erum gríðarlega spennt fyrir erindi Deniz Koca á Janúarráðstefnu Festu! Þar mun hann kynna nýjar aðferðir til að tryggja matvælaöryggi í heiminum þar sem réttar ákvarðanir á réttum stað geta knúið fram kerfisumbreytingar. Deniz Koca sinnir rannsóknum og verkefnastjórn við Centre for Environmental and Climate Science í Háskólanum í Lundi og sérhæfir sig í kerfisgreiningu og kerfislíkangerð (e. system dynamics). Hann hefur þróað og tekið þátt í fjölmörgum þverfaglegum rannsóknarverkefnum og í dag fæst hann við rannsóknir á því hvernig hægt sé að auka fjölbreytni fæðu fyrir fólk og búfénað með uppsprettu próteina og gera þannig matvælaframleiðslu heimsins sjálfbærari 🙌 👉 Ekki missa af þessu mikilvæga erindi! Þú getur keypt miða á ráðstefnuna hér: https://www.harpa.is/vidburdir/20778 #janfest2026

✨Geta íslenskar orkulausnir haft alþjóðleg áhrif?✨ Á Janúarráðstefnu Festu ræðir @birtahelgadottir, fagstjóri Orku og grænna lausna og erlendra fjárfestinga hjá @islandsstofa hvernig íslensk þekking og nýsköpun í orkumálum getur lagt sitt af mörkum til að mæta orkuskorti heimsins og hraðað grænni umbreytingu. Janúarráðstefna Festu hefur verið haldin árlega síðan 2013 og hefur fest sig í sessi sem einn mikilvægasti og líflegasti vettvangur landsins fyrir samræður, nýja sýn og innblástur um sjálfbærni í atvinnulífi og samfélagi. 🌟 Kynntu þér dagskrá ráðstefnunnar og öflugan hóp fyrirlesara á sjalfbaer.is #janfest2026

🌍 Geta jákvæðir vendipunktar dregið úr áhættu loftslagsbreytinga? Prófessor Tim Lenton er einn fremsti loftslagssérfræðingur heims og því mikill heiður að fá hann í hóp öflugra fyrirlesara á Janúarráðstefnu Festu 2026 🙏 Á ráðstefnunni mun hann meðal annars kynna brautryðjendarannsóknir sínar á jákvæðum vendipunktum sem geta hraðað umbreytingu í átt að markmiðum Parísarsáttmálans. Janúarráðstefna Festu, fer fram í Silfurbergi Hörpu föstudaginn 30. janúar 2026, undir yfirskriftinni Umbreyting er ákvörðun. Um er að ræða stærsta árlega sjálfbærniviðburð á Íslandi þar sem innlendir og erlendir sérfræðingar, fræðimenn, brautryðjendur og skapandi hugsuðir munu deila raunverulegum umbreytingarsögum úr ólíkum geirum. 🌟Kynntu þér dagskrána á sjalfbaer.is #janfest2026

Harpa hefur verið heimili Janúarráðstefnu Festu í fjölda ára og því gaman að bjóða þetta mikilvæga lista- og menningarhús velkomið í hóp aðildarfélaga Festu fyrr á árinu 🙌 Svanhildur Konráðsdóttir, forstjóri Hörpu hrósar starfsfólki fyrir metnaðarfulla vinnu á sviði sjálfbærni og segir: “Í Hörpu tónlistar- og ráðstefnuhúsi mætast menning, atvinnulíf og samfélag og við leitumst við að byggja sjálfbærni inn í allt okkar starf. Starfsfólk Hörpu hefur sýnt lofsvert frumkvæði á þessu sviði og er lykillinn að þeim árangri sem við höfum náð hingað til, þar á meðal með Svansvottun Hörpu sem ráðstefnuhúss.” Á þessu ári hafa 11 félög gengið til liðs við Festu. Aðildarfélögin eru nú tæplega 200 talsins og eiga það sameiginlegt að leggja áherslu á sjálfbærni í sínu starfi. Fram að jólum munum við kynna þau nýju aðildarfélög sem bættust í hópinn á árinu og höldum áfram að taka á móti nýjum! 🫶

Á alþjóðlegum degi mannréttinda rifjum við upp áhrifamikla sögu Sumitra, sem deildi reynslu sinni af barnaþrælkun í Nepal á Janúarráðstefnu Festu í fyrra 💚 Þegar fjölskylda Sumitra flutti frá þorpinu sínu í Suður-Nepal til höfuðborgarinnar Katmandú fór hún að vinna í teppaverksmiðju, aðeins níu ára gömul. Á leiðinni í vinnuna horfði hún á jafnaldra sína á leið í skólann með skólatöskurnar sínar, og draumur hennar um að fá að læra varð sífellt sterkari. Með aðstoð GoodWeave Foundation tókst henni að losna úr verksmiðjunni og fara í skóla og í dag vinnur hún að því að uppræta barnaþrælkun þar sem hún notar krafta sína og reynslu til að breyta kerfinu innan frá 👊 Þrátt fyrir árangur á heimsvísu síðustu árin eru samkvæmt ILO og UNICEF enn um 138 milljónir barna föst í barnaþrælkun, þar af um 54 milljónir í mjög hættulegri vinnu sem ógnar heilsu þeirra, öryggi og þroska. Milljónir barna eru svipt réttindum sínum til menntunar, leiks og þess að fá einfaldlega að vera börn. Svona þarf heimurinn ekki að vera! Fyrirtæki, og neytendur, hafa bæði vald og ábyrgð til að knýja fram umbreytingu sem tryggir að mannréttindi séu ekki valkvæð, heldur sjálfsögð í allri virðiskeðjunni og þar sem börn geta farið í skóla í stað þess að vinna 🙏

Takk Hafsteinn, Trausti, Daði og Heiðdís fyrir mjög fræðandi og gagnleg erindi á síðasta Deiglufundi ársins 🙏 Þar ræddum við stöðu og framtíð umbúða og plasts í samhengi við umfangsmiklar breytingar á regluverki Evrópusambandsins sem snýr að umbúðum og umbúðarúrgangi (PPWR). Það var frábært að sjá mikinn áhuga á málefninu og kafa saman ofan í áskoranir og tækifæri sem fyrirtæki og opinberir aðilar standa frammi fyrir þegar kemur að því að draga úr sóun og minnka umhverfisáhrif frá umbúðum. Við hlökkum til að kynna Deiglufundaröð næsta árs fljótlega – spennandi efni framundan! 🙌

Það var einstaklega ánægjulegt að fá @throskahjalp í hóp aðildarfélaga Festu í júlí. Við fögnum með þeim þeim mikilvæga sigri að Alþingi lögfesti samning Sameinuðu þjóðanna um réttindi fatlaðs fólks fyrr í mánuðinum 👏 Anna Lára Steindal, framkvæmdastjóri Þroskahjálpar, segir að samtökin hafi gengið til liðs við Festu til að leggja þyngri lóð á vogarskálar sjálfbærni og vinna að Heimsmarkmiðum Sameinuðu þjóðanna og loforðinu um að skilja engan eftir brautargengi 💚 Landssamtökin Þroskahjálp voru stofnuð haustið árið 1976 í því skyni að sameina þau félög, sem vinna að réttinda- og hagsmunamálum fatlaðs fólks, með það að markmiði að tryggja því fullt jafnrétti á við aðra. Félögin eru starfrækt um allt land og eru félagsmenn þeirra í kringum sex þúsund. Aðildarfélög Festu eru nú tæplega 200 talsins, stór og smá og úr fjölbreyttum geirum, og eiga það sameiginlegt að leggja áherslu á sjálfbærni í sínu starfi. Fram að jólum munum við kynna þau nýju aðildarfélög sem bættust í hópinn á árinu og höldum áfram að taka á móti nýjum! 🫶

🙌 Það var frábær mæting á annað málþing Festu fyrir stjórnir og framkvæmdastjórnir aðildarfélaga í síðustu viku. Málþingið leiddi saman stjórnarfólk úr fjölbreyttum atvinnugreinum þar sem við ræddum þær áhættur og tækifæri sem munu móta starfsemi stjórna á næstu árum þegar geopólitísk óvissa, loftslagsbreytingar, hröð tækniþróun og samfélagslegar áskoranir móta rekstrarumhverfi fyrirtækja. Við þökkum öllum þátttakendum fyrir frábæran dag og hlökkum til áframhaldandi samstarfs um að efla ábyrgð og hlutverk stjórna í síbreytilegum heimi 🤝 📸 Ernir Eyjólfsson

Takk @arionbanki fyrir að taka vel á móti okkur á síðasta Tengslafundi ársins! 👏 Við erum öll fróðari um hvernig sjálfbærni spilar lykilhlutverk í áhættustýringu og hvernig hún fléttast inn í stefnumótun og ákvarðanatöku. Á myndinni eru Erla Rakel, framkvæmdastjóri Festu og Erla Ósk, stjórnarformaður Festu ásamt Snædísi Ögn, Hlédísi og Kristjáni, sérfræðingum hjá Arion banka.

Það var einstaklega gaman að taka á móti umhverfis-, orku- og loftslagsráðherra ásamt forstjórum og framkvæmdastjórum fyrirtækja sem tóku þátt í loftslagshermilíkani með okkur. Markmiðið var að stýra heiminum frá hamfarahlýnun og við notuðum EN-ROADS loftslaghermilíkan MIT, þar sem þátttakendur sáu í rauntíma hvernig ákvarðanir þeirra höfðu áhrif á þróun loftslagsmála. Áhugaverðar og líflegar umræður og með samtali og samvinnu tókst hópnum að stýra heiminum frá 3,3 gráðu hlýnun niður í 1,9 gráður 🙌 Forstjórarnir sem þarna tóku þátt eru hluti af hópnum Loftslagsleiðtogar Festu. Þau sem skipa þann hóp leiða fyrirtæki sem hafa sett sér metnaðarfull og markviss markmið þegar kemur að því að draga úr losun gróðurhúsalofttegunda. ‼️ „Fyrirtæki samanstanda af fólkinu í landinu - við berum ábyrgð og getum verið hreyfiafl breytinga. Þess vegna var það mikilvæg æfing, samtal og samstaða sem átti sér stað milli atvinnulífs og stjórnvalda, sem gaf góða tilfinningu fyrir samhengi hlutanna í þessu kapphlaupi við tímann um að halda hlýnun jarðar í skefjum,“ sagði Ásta S. Fjeldsted, forstjóri Festi, sem tók þátt í vinnustofunni. “Við hjá Festu munum halda áfram að leggja okkar af mörkum með því að efla samtalið milli atvinnulífs og stjórnvalda um loftslagsmál.” Hér má lesa nánari um þennan einstaka viðburð á heimasíðu Festu: www.sjalfbaer.is/frettir

🎯 Ert þú næsti samskiptaleiðtogi Festu? Við leitum eftir drífandi og hugmyndaríkum einstaklingi sem vill móta og miðla framtíðarsýn sjálfbærs samfélags 🌍 Viðkomandi þarf að hafa reynslu í miðlun, markaðssetningu og upplýsingagjöf og vera með sterka ritfærni og áhuga á sjálfbærni. ▪️ Sveigjanleg vinna í metnaðarfullu og þverfaglegu teymi ▪️ Skrifstofa er í Háskóli Reykjavíkur / fjarvinna eftir samkomulagi ▪️ Umsóknarfrestur er til 17. ágúst 👉 Sótt er um starfið í gegnum Alfreð eða vinnvinn.is

Elva Rakel Jónsdóttir, framkvæmdastjóri Festu og Tómas N. Möller, formaður Festu áttu gott samtal við Kristrúnu Frostadóttur forsætisráðherra í gær. Við ræddum mikilvægi samvinnu stjórnvalda og atvinnulífsins í þágu sjálfbærni. Í því samhengi bentum við á styrkleika Festu sem brúarsmið í þeim samtölum. Við hlökkum til áframhaldandi samtals við stjórnvöld. 🤝

„Í svo flókinni virðiskeðju leynast margar hættur þegar kemur að mannréttindum. Og sökum þess hve flókin virðiskeðjan er er mikilvægt að bæði seljendur og neytendur taki sameiginlega ábyrgð á því að virðing fyrir mannréttindum sé tryggð í allri virðiskeðjunni. “ Þorgerður Katrín Gunnarsdóttir, utanríkisráðherra, opnaði viðburðinn Mannréttindi í réttlátri virðiskeðju sem var haldinn í hátíðarsal Arion banka í kjölfar Janúarráðstefnunar. Þema Janúarráðstefnunar var sjálfbærni í virðiskeðjum, en sérstök áhersla var lögð á mannréttindi á þessum viðburði - sem eru lykilatriði í réttlátum virðiskeðjum. ⚖️❤️

Myndbandið sem við framleiddum í stamstarfi við @poppup.is og sýndum á Janúarráðstefnu Festu 🎥 Nokkur þekk og velvalin voru spurð laufléttra (samt ekki) spurninga. Allar tengjast þær þema ráðstefnunnar - virðiskeðjunni.

📸 Nálgast má allar myndir frá Janúarráðstefnunni á facebook-síðu Festu ______ Takk, takk, takk! Aldrei hafa eins margir mætt á Janúarráðstefnuna eins og í ár. Auk aðildarfélaganna okkar, sem eru miðjan í okkar starfi, var mættur einstaklega fjölbreyttur hópur; forstjórar, sjálfbærnisérfræðingar, nemar, fræðafólk og fólk frá ýmsum hagsmuna- og félagasamtökum. Eftir hverja Janúarráðstefnu sjáum við að sjálfbærni er að dreifa sér sífellt víðar um íslenskt samfélag, til breiðari hóps, sem bæði sér haginn og ábyrgðina sem felst í því að flétta sjálfbærni við alla starfsemi og rekstur. ⚖️ Virðiskeðjan var í brennidepli í ár. Nokkrir punktar: 🔹 Pólitísk skautun hefur áhrif á sjálfbærniumræðuna, en áskoranirnar hverfa ekki þótt pólitíkin breytist. Viðbrögð við loftslagsbreytingum, sjálfbær auðlindanýting og mannréttindamál, eru enn jafn mikilvæg fyrir seiglu fyrirtækja. Adam Roy Gordon 🔹 Áhætta í virðiskeðjum er t.a.m. vegna skorts á mikilvægum hráefnum og orkuauðlindum og þá hafa loftslagsbreytingar og hnattræn átök bein áhrif á virðiskeðjur og starfsemi fyrirtækja. Fyrirtæki sem ekki taka þetta með í reikninginn eru berskjölduð fyrir áföllum og geta orðið fórnarlömb efnahagslegra og geópólitískra sveiflna. Mikael Allan Mikaelsson MBE 🔹 Þekkingarleysi er engin afsökun. Sumitra Basnet, sem var send í vinnu sem barn, kom alla leið frá Nepal til að segja sína sögu. Þessi áhrifaríka frásögn hvetur vonandi öll til að skilja að við getum haft áhrif, sem neytendur og rekstraraðilar, og að mannréttindi í virðiskeðjunni eru lykilatriði fyrir réttláta og sjálfbæra virðiskeðju. 🔹 Innleiðing hringrásarferla getur eflt bæði gagnsæi, gæðastjórnun og arðsemi 💰📈 „Fyrsta skrefið er að vera meðvituð um þær áhættur sem fylgja starfseminni, þá fyrst er hægt að vinna í því að draga úr þeim” - Þóra Jónsdóttir 💡 Niðurstöður könnunar á íslenskum háskólanemum: 86% Z-kynslóðarinnar og 93% aldamótakynslóðarinnar vilja að stjórnvöld þrýsti á fyrirtæki um aðgerðir í loftslagsmálum. Ungt fólk er einnig tilbúið að breyta neysluhegðun sinni, en fyrirtæki þurfa að gera valkostina auðveldari 🌱

Mingl í hléi og eftir-Janúarráðstefnu-mingl 🥂✨ Það verður að sjálfsögðu skálað í lok ráðstefnu og DJ Sigrún Skafta heldur uppi stuði að vanda. Tryggðu þér miða - sjáumst í Hörpu 31. janúar kl. 12:30!

Trúnó-pörin á Janúarráðstefnunni koma úr ýmsum kimum samfélagsins. Þau stíga á svið eftir hvert undirþema og eiga stutt og einlægt spjall. Þú vilt ekki missa af þessu! Sjáumst 31. janúar kl. 12:30, í Hörpu. ⚡

Leyndarmál Ástu Fjeldsted afhjúpað? 🤭 Trúnó-in eru fastur liður á Janúarráðstefnu Festu. Fimm ólík trúnó pör stíga á svið í ár 🤫

Fleiri fyrirlesarar Janúarráðstefnu Festu! Við erum stolt af því að hafa mótað dagskrá með þessum fjölbreytta hóp sem kemur víða að til að ræða ýmsar hliðar virðiseðjunnar. Nánari dagskrá er að finna á sjalfbaer.is. 💰 Kamil Zabielski, forstöðumaður sjálfbærra fjárfestinga hjá Storebrand, mun fjalla um áhrif sjálfbærs fjármagns og hvernig fjárfestingar geta ýtt undir sjálfbæra þróun. Storebrand er leiðandi eignastýringafyrirtæki á Norðurlöndunum. 🖥️ Þóra Jónsdóttir, forstöðumaður sjálfbærni og umbóta hjá Advania, leiðir okkur í gegnum áskoranir og tækifæri í virðiskeðju tæknigeirans. 🌍 Sævar Helgi Bragason, vísindamiðlari, fær Krakkafréttir á RÚV með sér í lið til að útskýra virðiskeðjuna á skemmtilegan og aðgengilegan hátt. Ekki veitir af... 📖 Sara Dögg Svanhildardóttir, sérfræðingur hjá Vinnumálastofnun, og Arnar Sveinn Harðarson, lögfræðingur og verkefnastjóri hjá Arion banka, kynna nýjasta vegvísi Festu um félagslega sjálfbærni. 🔗 Mikael Allan Mikaelsson MBE, sérfræðingur á sviði loftslagsstefnumótunar hjá Stockholm Environment Institute (SEI), ræðir um hvernig sjálfbærni og seigla spila saman í aðfangakeðjum. 📊 Arent Orri Jonsson, forseti Stúdentaráðs Háskóla Íslands, Ísabella Ósk Másdóttir, samskiptastjóri Festu, og Guðni Þórsson, sérfræðingur á sjálfbærnisviði hjá Deloitte, kynna niðurstöður nýrrar könnunar Festu um viðhorf ungs fólks til sjálfbærni. Við minnum á að uppselt hefur verið á ráðstefnuna sl. ár. en það stefnir í fjölmennustu ráðstefnuna hingað til 😍

Nú eru aðeins 22 dagar í Janúarráðstefnuna 🤯 Við erum óhrædd við að segja að við séum ekkert lítið stolt af dagskránni í ár, en þemað í ár er virðiskeðjan - straumar sjálfbærni. Dagskrána í heild má finna á sjalfbaer.is en nánari kynning á erindunum verður birt á næstu dögum. 👯 Trúnó-pörin verða á sínum stað og við kynnum þann hóp bráðlega. Þessir liðir, alls fimm talsins, verða krassandi eins og í fyrra! 👀 Húmorinn og gleðina mun að sjálfsögðu ekki vanta, en í dagskránni sýnum við skemmtileg myndbönd og svo skálum við saman í lok ráðstefnu. 🥂 Sjáumst í Hörpu 31. janúar kl. 12:30! 🎉 Takk öll sem hafið keypt miða 🫶 ⚡ Myndin sem fylgir fangaði augnablik sem mun seint gleymast - rafmagnsleysi í miðbæ Reykjavíkur í blálok ráðstefnunnar í fyrra. En allt er gott sem endar vel!

27 félög bættust í hóp aðildarfélaga Festu árið 2024. 🎉 Við erum gríðarlega þakklát samstarfinu og öllum þeim sem lögðu okkur lið, mættu á viðburði eða tóku á annan hátt þátt í starfinu. Sumir finna fyrir bakslagi en við erum óhrædd við að segja að stóra myndin sé í rétta átt. Það er mikil kraftur í samfélagi Festu. Áfram gakk og takk!

Sýnishorn frá einum af okkar uppáhalds dagskrárlið á Janúarráðstefnunni 👀 Ertu með miða? 👉 sjalfbaer.is @saevarhb @berglindfestival @gudlaugurthor @rakelelva @hafdishanna @landsvirkjun @saharasocialmedia

Í tilefni Janúarráðstefnunnar fór Halla Tómasdóttir, forstjóri The B Team, í einstakt og einlægt viðtal við Unnstein Manuel Stefánsson sem við munum sýna á ráðstefnunni. Hvaða eiginleika þurfa leiðtogar í dag að hafa? Hvernig förum við saman í gegnum stórar breytingar framundan? Hér fáum við svör við stórum spurningum sem þú vilt ekki missa af 🌍💙 🎟 Dagskrá og miðasala 👉 sjalfbaer.is 📍 Harpa, Silfurberg 🗓️ Fimmtudaginn 25. janúar kl. 13-16:30