04. 10 . 2023 - 11:00-12:00
Deiglufundur – Líffræðilegur fjölbreytileiki
@Rafrænn viðburður
Festa býður aðildarfélögum til Deiglufundar þann 4. október og þar munum við taka fyrir mál málanna um þessar mundir: Líffræðilega fjölbreytni.
Nýr vegvísir kynntur
Á fundinum munum við kynna fyrir ykkur nýjan Vegvísi sem Festa hefur unnið að á síðustu mánuðum sem snýr að hlutverki atvinnulífsins þegar kemur að því að standa vörð um líffræðilega fjölbreytni. Að þeirri vinnu kom stór og fjölbreyttur hópur sérfræðinga úr atvinnulífinu og fræðasamfélaginu.
Á fundinum, sem er rafrænn og opin öllum aðildarfélögum Festu, munum við heyra frá sérfræðingum sem vinna að þessum málefnum í atvinnulífinu og á vettvangi Náttúrufræðistofnunar.
Á fundinum munum við meðal annars ræða:
- Af hverju líffræðileg fjölbreytni skiptir máli
- Hvernig íslensk fyrirtæki geta tekið þátt í að vernda líffræðilega fjölbreytni
- Rekstrarlega mælikvarða sem snúa að líffræðilegri fjölbreytni
- Hverjar áherslurnar voru á COP 15, ráðstefnu Sameinuðu þjóðanna sem snýr að líffræðilegri fjölbreytni
- Hverjar áætlanir Íslands í þessum málaflokki eru
- Upplýsingagjöf og ný löggjöf Evrópusambandsins
Fundinum verður stýrt af Rakel Sævarsdóttur sem situr í stjórn Festu og hefur stýrt þessari vinnu fyrir hönd félagsins. Að loknum erindum mun svo gefast gott tækifæri til að spyrja spurninga og taka þátt í umræðum.
Framsögufólk fundarins að þessu sinni eru:
- Rannveig Anna Guicharnaud - liðsstjóri í sjálfbærniteymi Deloitte
- Jón Ragnar Guðmundsson - sérfræðingur í sjálfbærni hjá Landsbankanum
- Tryggvi Stefánsson - tæknistjóri/CTO hjá Svarma
- Snorri Sigurðsson - sviðsstjóri náttúruverndar hjá Náttúrufræðistofnun Íslands
