15 ár af samstarfi um sjálfbæra framtíð

Elva Rakel Jónsdóttir, framkvæmdastjóri og Erla Ósk Ásgeirsdóttir, formaður

„Árið 2025 sýndi að umhverfið er orðið flóknara, hraðinn meiri og áhættan víðtækari. Loftslagsbreytingar, geopólitík, tæknibreytingar og auknar kröfur samfélagsins kalla á nýja tegund forystu og gera auknar kröfur til stjórna og stjórnenda. Alþjóðleg greining á helstu áhættuþáttum heimsins undirstrikar þessa þróun. Sjálfbærni er orðin hluti af skammtímaáhættu fyrirtækja. Áhættur á borð við öfgakennd veður, ójöfnuð, netógnir og truflanir í virðiskeðjum eru samtvinnaðar og hafa bein áhrif á rekstur og samkeppnishæfni. Þessi staða kallar á stjórnarhætti þar sem þessi viðfangsefni eru samþætt í eina heild og sjálfbærni verði kjarni stefnumótunar, áhættustýringar og ábyrgra stjórnarhátta. Áherslan þarf jafnframt að færast enn frekar frá skammtímaávöxtun yfir í varanlega verðmætasköpun fyrir hluthafa, samfélag og umhverfi.


Hlutverk Festu er að styðja við þessa umbreytingu. Í 15 ár hefur Festa skapað vettvang þar sem fyrirtæki, stofnanir og stjórnvöld læra hvert af öðru og færa sjálfbærni úr stefnu í framkvæmd. Í dag standa tæplega 200 fyrirtæki, sveitarfélög og stofnanir að samfélagi Festu sem byggir á einfaldri en kröftugri hugmynd: Við berum ábyrgð og ákvarðanir okkar skipta máli.“
Lesa ávarp

Hvað gerir Festa?

Festa – miðstöð um sjálfbærni eru frjáls félagasamtök sem hafa það að markmiði að efla getu fyrirtækja, samtaka og stofnana til að vinna markvisst að sjálfbærni. Tæplega 200 félög þvert á geira mynda samfélag Festu.  Festa er rekin af aðildargjöldum og styrkur okkar felst í öflugu samstarfi fjölbreyttra aðila sem sameinast um framfarir á sviði sjálfbærni.
 
Í 15 ár hefur Festa leitt saman framsækin fyrirtæki, stofnanir, félagasamtök  og sveitarfélög og býður upp á öruggt og hlutlaust rými þar sem atvinnulíf og stjórnvöld eiga virkt samtal um sjálfbærni. Festa heldur fjölda viðburða á ári fyrir aðildarfélög sín og aðra hagaðila. ´Árið 2025 stóð Festa fyrir fjölbreyttum ráðstefnum, tengslafundum, fræðslumorgnum og málstofum um sjálfbærni í samstarfi við fyrirtæki, stjórnvöld og samtök og hélt uppi virkri umræðu um sjálfbærni í gegnum samfélagsmiðla, fjölmiðla og fréttabréf. 
 

Árið í tölum:

Annað sem stóð upp úr á árinu:


  • Fullt á Janúarráðstefnu Festu, stærsta árlega sjálfbærniviðburð landsins, þar sem áherslan var á sjálfbærni í viðiskeðjunni
  • Hliðarviðburður Janúarráðstefnu Festu um réttláta virðiskeðju með þátttöku Samitra Basnet og Krishna Shah frá Nepal.
  • Útgáfa á vegvísi um félagslega sjálfbærni.
  • Samstarfsaðilar Velsældarþings í Hörpu og Innovation Week
  • Rafrænn fundur með Stjórnvísi um áhættustýringar og loftslagsbreytingar
  • Málstofa um vistspor Íslands og Earth Overshoot Day
  • EN-Roads vinnustofa með Loftslagsleiðtogum Festu
  • Könnun um viðhorf ungs fólks til sjálfbærni
  • Vel sótt málþing fyrir stjórnir aðildarfélaga Festu


Aðildarfélög


Aðildarfélög Festu eru kjarninn í okkar starfi. 13 félög bættust í hópinn á árinu og voru þau 190 í lok árs og endurspegla vel þá fjölbreyttu flóru rekstraraðila sem starfa á Íslandi. 9 aðildarfélög hættu starfsemi á árinu og 13 sögðu sig úr Festu. 


"Með aðild að Festu tökum við virkan þátt í að læra af öðrum, erum hluti af lifandi samtali um hvernig gera megi betur í sjálfbærnimálum og höldum áfram að þróa okkar sjálfbærnivegferð áfram."

Svanhildur Konráðsdóttir, forstjóri Hörpu


"Fatlað fólk verður því miður oft eftir þegar kemur að sjálfbærni, en við hjá Þroskahjálp viljum læra af öðrum og miðla okkar þekkingu til að breyta því."

Anna Lára Steindal, framkvæmdastjóri Þroskahjálpar


Stjórn, starfsfólk og ráðgjafaráð

Á aðalfundi Festu í apríl 2025 var kjörin ný stjórn fyrir starfsárið 2025-2026. Í stjórn Festu sitja fulltrúar sjö aðildarfélaga, auk fulltrúa frá Háskólanum í Reykjavík þar sem skrifstofa Festu er staðsett. Aldrei hafa jafn margir boðið sig fram til setu í stjórn Festu, en það voru í heildina fulltrúar 13 aðildarfélaga sem lögðu fram framboð.  


Formaður: 


Erla Ósk Ásgeirsdóttir – Bláa Lónið 


Stjórnarmenn: 


Rakel Eva Sævarsdóttir – Trail 


Bryndís Björk Ásgeirsdóttir – Háskólinn í Reykjavík 


Reynir Smári Atlason – Creditinfo 


Anton Sigfússon – Hagar 


Hlédís Sigurðardóttir – Arion Banki 


María Rúnarsdóttir – Heimar 


Bjarni Már Gylfason varaformaður – Rio Tinto á Íslandi 



Tómas N. Möller lét af formennsku vorið 2025 eftir ómetanlegt framlag til Festu síðan 2019. 

Starfsmenn Festu voru fjórir í lok árs 2025. Elva Rakel Jónsdóttir gegnir starfi framkvæmdastýru og stýrir daglegu starfi af krafti. Harpa Júlíusdóttir gegnir hlutverki verkefnastjóra Festu. Ísabella Ósk Másdóttir fór úr starfi samskiptastjóra um haustið til að taka við starfi verkefnastjóra samskipta hjá Umhverfis, orku- og loftslagsráðuneytinu, Festa þakkar Ísabellu fyrir einstaklega uppbyggilegt og ánægjulegt samstarf en hún starfaði hjá félaginu í þrjú ár. Steinunn Jakobsdóttir var þá ráðin í starf samskiptastjóra Festu og byrjaði hún um miðjan október. Steinunn kemur til Festu frá UNICEF á Íslandi og með henni kemur inn í teymi Festu mikil reynsla og þekking. Fjórði meðlimur teymisins er Kristinn Már Hilmarsson, sérfræðingur í sjálfbærni. 

 


Ráðgjafaráð Festu sameina leiðandi sérfræðinga úr atvinnulífinu á sviði umhverfis-, félags- og stjórnarhátta (Environment, Social and Governance). Hlutverk þeirra er að skerpa stefnu Festu, efla faglega dýpkun og styðja við aukin áhrif félagsins í sjálfbærnimálum. 



Environment (E) 

  • Kolbeinn Hilmarsson – Svarma  
  • Ólafur Arnar Jónsson – Landsvirkjun
  • Sandra Rán Ásgrímsdóttir – COWI  
  • Birta Helgadóttir – EFLA  
  •  Ingibjörg Ólafsdóttir – Rafal  

Social (S) 

  • Fanney Karlsdóttir – Aurora við Háskóla Íslands  
  •  Eva Magnúsdóttir – Podium  
  • Sigyn Jónsdóttir – Alda  
  • Ketill Berg – Marel  

Governance (G) 

  • Tómas Möller – Lífeyrissjóður Verslunarmanna  
  • Arnar Harðarson – Arion banki  
  • Adam Roy Gordon – Glacial Edge Consulting  
  • Hrönn Ingólfsdóttir - Isavia 
  • Eva Margrét Ævarsdóttir - Lex Lögmannsstofa 

Verkefni Festu

JÖRÐ

Lesa

FÓLK

Lesa

HAGSÆLD

Lesa

Viðburðir

Viðburðarhald er miðja í starfi Festu. Auk þess að standa fyrir hinni árlegu Janúarráðstefnu í Hörpu stóð Festa fyrir eða tók þátt í fjölda viðburða á árinu.

Sjá meira

Tengslafundir: 


  • Brim 
  • Creditinfo 
  • Krónan 
  • Utanríkisráðuneytið 
  • PwC Ísland 
  • Efla 
  • Sorpa 
  • Arion Banki 


Deiglufundir: 


  • EU Taxonomy 
  • Félagsleg sjálfbærni og innri mannauður 
  • Gervigreind og sjálfbærni í rekstri 
  • Sjálfbær innkaup 
  • Umbúðir og plast 


Aðrir viðburðir:


  • Straumar sjálfbærni - Janúarráðstefna Festu 2025
  • Mannréttindi í réttlátri virðiskeðju - Hliðarviðburður Janúarráðstefnu Festu
  • Ábyrgð og hlutverk stjórna í sviptivindum samtímans - Málþing fyrir stjórnir og framkvæmdastjórnir
  • Vistspor Íslands - Málstofa með Umhverfis- og auðlindafræði HÍ og Sjálfbærnistofnun HÍ
  • Áhættustýring og loftslagsbreytingar – Er þitt fyrirtæki berskjaldað? - Sameiginlegur viðburður með Stjórnvísi
  • Future-Proofing Business á Velsældarþingi í Hörpu
  • Velsældarvinnustofa með Embætti Landlæknis og Langbrók
  • Nordic Dialogues – Beyond Impact Series - Hliðarviðburður á Innovation Week


Nánar um viðburði Festu á árinu

Festa um víðan völl
 
Auk eigin viðburða mættu fulltrúar Festu reglulega sem fyrirlesarar eða þátttakendur á viðburðum annarra. Þátttaka Festu á slíkum vettvangi styrkir tengslin út á við og eykur sýnileika félagsins sem leiðandi afl í sjálfbærnimálum á Íslandi.



Þátttaka í viðburðum annarra:


  • Loftslagsdagur Umhverfis- og orkustofnunar
  • Umhverfisþing á vegum umhverfisráðuneytisins
  • Vinnustofa um framtíð blaðamennsku á vegum Blaðamannafélags Íslands
  • Fyrirlestur hjá Dokkunni um mýtur í loftslagsmálum
  • Sjálfbærnidagur Háskólans í Reykjavík
  • Hugmyndadagar á Suðurlandi
  • Undirbúningsfundir um stefnu stjórnvalda um líffræðilega fjölbreytni
  • Málstofa KPMG fyrir endurskoðunarnefndir
  • Viðburður á vegum Nordic Sustainability og UN Global Compact um Onminbus
  • Loftslagsborgaraverkefni Reykjavíkurborgar
  • Málstofa á vegum Center for Law on Climate Change and Sustainability
  • Ásamt mörgum fleiri vinnustofum, málstofum og ráðstefnum með atvinnulífi, akademíu og stjórnvöldum


Miðlun

Á árinu 2025 sendi Festa út regluleg fréttabréf til félagsmanna og annarra áhugasamra. Alls voru fréttabréfin sex talsins á árinu, send til yfir 1300 áskrifenda. Í fréttabréfunum er farið yfir liðna viðburði og kynnt það sem er framundan, auk þess sem þar birtust ýmsar greinar og pistlar. Í fréttabréfunum eru jafnan fréttir af verkefnum aðildarfélaga, alþjóðlegum fréttum úr sjálfbærniheiminum og tilkynningar.  


Skoða fréttabréf

Starfsemi Festu og fulltrúar þess komu víða við sögu í innlendum fjölmiðlum 2025 og birti fjölda pistla um málefni tengd sjálfbærni á vefmiðlum.  




Listi yfir helstu umfjallanir

Festa hefur lagt vinnu í að efla enn frekar miðlun og upplýsingagjöf á samfélagsmiðlum, kynna aðildarfélög Festu og lyfta fréttum og árangri úr heimi sjálfbærninnar. LinkedIn-síða Festu var mjög virk með reglulegum uppfærslum um viðburði, fréttir og fróðlegt efni og Facebook og Instagram nýtt til að miðla svipmyndum og myndböndum úr starfinu. Með þessari fjölbreyttu miðlun tryggði Festa að helstu skilaboð næðu til breiðs hóps og ólíkra markhópa. 




Kjölfestur

Til að efla starfsemina enn frekar hafa nokkur aðildarfélög, svokallaðar Kjölfestur, stutt sérstaklega við störf Festu sl. ár. Kjölfestuaðild felur í sér sérstakt framlag (1 millj. kr. á ári) til viðbótar við venjulegt árgjald. Kjölfestur styðja þannig markvisst við kraftmeiri uppbyggingu Festu á áratug aðgerða 2020-2030. 

 

Á árinu 2025 voru eftirfarandi aðilar Kjölfestur Festu: Arion banki, Deloitte á Íslandi, Festi, KPMG á Íslandi, Íslandsbanki, Landsvirkjun og Ölgerðin. 

 

Framlag þeirra gerir Festu kleift að styrkja innviði félagsins og vera staðfastur vettvangur uppbyggilegrar sjálfbærniumræðu. 


Samstarfsaðilar

Á árinu 2025 hélt Festa áfram góðu samstarfi við ýmsa aðila, meðal annars Nordic Circular Design Programme, Grænvang, Creditinfo, Reykjavíkurborg, Embætti landlæknis og Stjórnvísi. Festa er meðlimur í UN Global Compact og CSR Europe.

Aðsetur Festu

Festa hefur aðsetur í Háskólanum í Reykjavík og hefur haft þar skrifstofu frá stofnun félagsins. Festa kann Háskólanum í Reykjavík allra bestu þakkir fyrir að hýsa skrifstofur Festu og veita félaginu bæði aðstöðu og tækniaðstoð endurgjaldslaust.